Donostiako Sustapeneko Smart klusterraren ordezkaritza bat Esloveniara joan da energia eraginkortasuneko jardunalkdi batean parte hartzeko Clean (Iterreg) Europear proiektuaren esparruan
- Xehetasunak
- Published on Asteartea, 25 Iraila 2018 15:45
Donostiako Sustapenak Energia Eraginkortasuneko ekitaldian parte hartu du MOS nazioarteko azokaren barruan, Celjen, Eslovenia, irailaren 12an. Jardunaldia Donostiako Sustapenak parte hartzen duen CLEAN Europear proiektuaren jardueren barruan kokatu zen, eta energia esparruari buruzko hitzaldi bat eskaini zuen. Bertan, Esloveniako eragile eta gaiari buruzko aditu nagusienek parte hartu zuten, eta herrialdean burutu dituzten jarduerak ezagutu ahal izan genituen, besteak beste, energia birgaitzea, energia kudeaketa edo bio isolamendua. Horrez gain, hainbat azterketa-bisita egin ziren smart eskola batera, industrialde berde batera, energia eraginkortasuneko prestakuntza zentro batera eta passive house-ko pilotu batera.
Deialdia, halaber, Smart Klusterreko kideei zabaldu zitzaien eta bidaia egin ahal izan zuten Donostiako Sustapenarekin batera garatutako proiektuari esker. Parte-hartzaileak hitzaldira eta azterketa-bisitetara bertaratu ziren, eta gaiari buruzko Europako aditu desberdinekin erlazionatu eta proiektuaren kide desberdinetako esperientziak ezagutu ahal izan zituzten.
CLEAN proiektuaren helburua (Interreg Europe) www.interregeurope.eu/clean tokiko eta eskualdeko politikak sustatzea eta bertan eragitea da, eraikinetan murgildutako isurpen gutxiko estrategian aurrera egiteko, ezagutzaren igorpenaren eta praktika zuzenen bidez, teknologien eta berrikuntza irekiaren esparruan, proiektuan parte hartzen duten Europako eskualde desberdinen artean. Replicate lighthouse proiektu europearra, SmartKalea ekimena eta Enertic eraiki bioklimatikoa jardunbide egoki gisa aurkeztu dira Donostiako Sustapenaren partetik.
Donostiako Sustapenak proiektuan parte hartzen du, Donostia ordezkatuz Europako beste bederatzi kiderekin batera: Vasternorrland eskualdea (Suedia), Campania eskualdea (Napoles, Italia), North Karelia (Finlandia), Normandia eskualdea (Frantzia), Kreta eskualdea (Grezia), Iasi eskualdea (Errumania), Savinjska eskualdea (Eslovenia), eta Donegal eskualdea (Irlanda) ERNACT proiektuaren buruzagiaren bitartez, alegia: “Komunikazio Teknologiak Aplikatzeko Europako Eskualdeen Sarea”.
Proiektuak 1,33 milioi euroko inbertsioa dauka eta 2021. urte amaierara arte luzatuko da. Tokiko mailan, bertako eragileekin lan egiten da tresnak bilatzeko eta praktika onen gida bat eta hirirako jarduera plan bat definitzeko. Horrez gain, hainbat misio burutzen dira Europako eskualde desberdinean ezagutza igortzeko, non interesa duten bertako eragileek parte hartu dezaketen. Hurrengo bidaia Errumaniara izango da 2019ko apirilean.
Azken Berriak
Jadanik eskura dago SmartKalea proiektuaren 2021eko urteko txostena
SmartKalea proiektuaren 2021eko urteko txostena argitaratu da. Txosten horretan, 2021ean SmartKalea barruan monitorizatutako datuen emaitzak jasotzen dira. Zehazki, etxebizitza eta saltokien energia-kontsumoak eta kontsumo horien bilakaera aztertzen da txostenean. Halaber, argiztapen publiko adimendunaren kontsumoak aztertzen dira. Bestalde, oinezkoen, ibilgailuen eta tren-bidaiarien ugaritasunarekin lotutako datu monitorizatuak aztertzen dira. Azkenik, proiektuaren esparru geografikoetako aire-kalitatearen sentsorika aplikatuz lortutako datuen azterketa egiten da.
Jatorri berriztagarria duen energia elektrikoa taldean erostea SmartKalea proiektuaren esparruan
Donostia Sustapenak, SmartKalea proiektuaren esparruan, kontsumitzaileen elkarte bat sustatzen du, proiektuarekin bat egiten duten saltoki batzuek osaturikoa. Saltoki horiek, modu bateratuan, energia elektrikoa erosteko eskaintzak eskatzen dizkiete enpresa merkaturatzaileei. Elkartearen helburua da energia elektrikoaren hornikuntzan erabiltzaileek banaka eskuratuko lituzketen baino prezio lehiakorragoak lortzea.
SmartKalea-ko ideien deialdia
Dagoeneko kontsulta daitezke RAZ enpresak Donostiako Antso Jakitunaren kaleko mugikortasunari buruz egindako ekimenaren datuak. Ekimen hori Donostiako Sustapenaren Smar ideia-deialdiaren esparruan garatua izan da.
Donostia, Bodah proiektuaren hiri pilotua
Donostiako hiriak, Donostia Sustapenaren bidez, Interreg Atlantic Area programako BODAH (Big and Open Data for Atlantic Heritage) Europako proiektuan parte hartzen du. Hiria, Pau, Cork eta Compostelako Santiagorekin batera, proiektuaren barnean dauden 4 hiri pilotuetako bat eta, hala aurkezten da, herritarren eta turismoaren fluxuen inguruko garapen iraunkor holistikoena indartzeko eta datu eta teknologia adimentsuak erabiltzeari esker eragin sozial eta ekonomikoak birbanatzeko helburuarekin.
Pertsonen zenbaketa
SmartKalea proiektuaren esparru barruan Donostian ezarritako zenbaketa sentsoreak. Donostia Sustapenak pertsonak zenbatzeko sentsore ugari ezarri ditu hirian zehar, SmartKalea proiektuaren esparru barruan. Sentsore hauei esker ezagutu daiteke kale bakoitzetik igarotzen diren pertsonen kopurua denbora errealean eta bi norabideetan, Alde Zaharrera sartzeko eta bertatik ateratzeko, % 97tik gorako zehaztasunarekin ...
Berreskuratze, Eraldaketa eta Erresilientzia Planaren esparruan gauzatutako proiektua, eta Europar Batasunak-Next Generation EU, Industria, Merkataritza eta Turismo Ministerioak eta Eusko Jaurlaritzako Turismo, Merkataritza eta Kontsumo Sailak finantzatua.
